حوار الست بهيه مع الحريم ع الكوم

من مناقشات قعده الحريم ع الكوم,من حمسين سنه
ضل راجل ولا ضل حيطه!!
وقعت الست بهيه ع كوم عالي في الجرن وقعدت تخبط وسط الحريم
قال بيقوا ضل راجل ولا ضل حيطه.... يا ختي بلا وكسه!!
*بذمتك عمرك سمعتي عن حيطه تقعد تشخر طول الليل وما تخلكيش تعرفي تنامي؟؟
*ولا حيطه تدخل البيت تجعر عايزه الغداء.وبعدين تطين عيشتك عشان الملح طلع زياده ف البميه!!
*ولا ممكن ترجعي البيت في يوم تلاقي الحيطه بتبوس الشغاله؟
*طيب شفتي حيطه تملا لك السقف بتاع البيت دخان , وارضيته سبارس؟
*ولا حيطه تقعد تشك فيكي وتقول لك انت رايحه فين وجايه منين؟
*ولا حيطه تصيحكي ف نص الليل عشان معلرفش ايه طلع في دماغها!
*ولاحيطه تدوخك وراها علشان تعرفي هيه بتكلم مين ف التليفون بعد نص الليل!
*طيب دي الحيطه معروف مكانها دايما ,انما المحروس يدوخك وراه علشان تعرفي هو سهران في انهي داهيه.. قال , عنده شغل !! يا سم!
* بذمتك في حيطه تحاول تطلعك غلطانه في كل كلمه تقوليها علشان تثبت للعيال انها احسن منك.
*ولا حيطه تلوي بوزها وتقشر بياضها وتقعد بالفانله لما امك تيجي تزورم. وتحبك معاها انها تقول نكت علي الحموات!
*يا شيخه بلا قرف . الحيطه اجدع . علي الاقل مش حتتحبسي لو فاض بيكي ونفذتي حلم كل الستات .. ودقيتي في الحيطه مسمار!!