نكت جامده

مره واحدماشي مع خطيبته واخرانسجام فقالها**عارفه ايه هو الحب وايه هو الجواز؟؟** قالتله *لا* قالها *الحب زي النجوم الجميله في السماء* قالتله طب والجواز؟؟ قالها *دي بقي البلاعه اللي واحنابنبص علي النجوم بنقع فيها** بسم الله الرحمن الرحيم
****** ****** *******
يا اخونا انتوا مش ملحظين ان الكلام العاطفي والتعبيرات الرومانسيه

زادت اوي اليومين دول.....دي مش زادت دي رترطتت

>> حبيب قلبي روحي نور عيني واحشني يا غالي انتا فين

يــا قمر والنعمه الشريفه بموت فيك << الكلام الحلو ده

كله ما كنش موجود في قاموسنا اليومي قبل كده والكلام ده

مش بس بيقوله راجل لست او ست لراجل لا >> راجل وراجل ست وست <<

واي حد تقابله يروح رزعك طقم حنيه كده من غير اي مناسبه
وساعات من غير سابق معرفه والشيء الغريب ان شلالات الحب ده والكلام الفظيع ده

جاي في وقت الحب فيه >> انتهى تماما << والناس ما بقتش تايقه بعضها

والحقيقه ثورة الاتصالات والموبايلات اخترعت لينا وسائل

جديده للتعبير عن الحب ماسدجات ورنات جهزه لا تتعب دماغب


ولا تفكر يا معلم تعمل >> send << وصلت يا باشا

وكلنا طبعا فاكريين >> عبد الحليم حافظ ، ولبنا عبد العزيز<<

في >> الوساده الخاليه << ومكالمات التليفون الي كانت شغاله

بينهم طول الليل ولبنا بتقوله بصوتها الي يدوخ >> اقفل بقى يا صلاح <<

وصلاح مش عايز يقفل وطبعا >> عبد الحليم ، لبنا << كانوا بيتكلموا

بالساعات من غير اي مشاكل لان مصلحة التليفونات ايامها

كانت بتدفع فلوس لليتكلموا في التليفون عشان يشجعوا


الناس تتكلم انهارده بقى هنستعرض مع بعض قاموس لكلمات


عاطفيه جديده بعد ظهور الموبايل ، تلاقي الي بتكلمك في نهاية

المكلمه بتقولك >> يلا باي << ايه يلا باي دي كأنها مش قادره

تسيبك انما يلا باي وبعدين طلعت حاجه جديده >> see you <<


ايه سي يو دي ظهرت بقى قافله جديده للموبايلات بعد

3 ساعات من الانسه الي بتكلمك بعد كلام فارغ بتقولك بخشوع >> لا الاه الى الله <<

وطبعا لازم ارد >> محمد رسول الله << طبعا لازم ارد وطبعا

ذكر الله شيء جميل بس يا جماعه ايه لزمتها هنـــــا

وبعدين انا مش مسافر استراليا ولا رايح اعمل عمليه جراحيه

ومش راجع تاني دي بتكلمني >> 19 << مره في اليوم وكل مره بتقفل نفس القفله

****** ****** *******

خدوا دي جديده برده بعد >> يلا باي ، وسي يو ، والحاجات ديـ..... <<

فجأه وقبل ما أهبد السماعه في وشها تقولي >> تاكيير هه <<

يعني ايه تاكيير دي هيه بتكلمني وانا بتصلق جبل المقطم وخايفه اقع ولا ايه

ظاهره تانيه دي بقى غيظاني شويه لما تتصل بيه واحده واقول >> الو <<

تقوم هيه مخضوضه على طول >> مالك صوتك مش عاجبني ليه طمني عليك <<

مع اني ماقلتش غير الو احلفلها اني كويس جدا ومفيش اي حاجه انما

هيه طبعا مش مصدقاني فكراني مخبي عليها المصيبه الي انا واقع فيها

>> بليز قولي متخبيش عليا حاجه << ايه القصه يا اخونا والنعمه مافي اي حاجه

ولازم طبعا اجاري مشعرها مدام هيه مخضوضه يبقى لازم

يكون عندي حاجه تخض امال اسبهاتتخض على الفاضي ده


اقولها >> مفيش بس عندي شوية برد << تقوم مسرخه مع اني كنت بطمنها

>> ومرحتش لدكتور لحد الوقتي انتا لازم تعمل اتشيك اب
لا لايمكن <<

الوليه دي بتصرخ على ايه هوه انا بقولها عندي الفونزا الطيور

****** ****** *******

وفي الافرح مابيبطلوش رقص وظغريط والعروسه والعريس في منتهى اسعاده بحب الناس

بس قرب كده سعدتك لاي طربيظه ولمع الاكر هتلاقي

الاعدين نزلين تقطيه في فروة العروسه والعريس واهلهم

لو دخلت عزه بتلاقي المعزيين نزلين عياط لدرجةانك ماتعرفش

حضرتك الي ميت قريب مين قرب كده سعدتك شويه ولمع الاكر

هتلاقي الي كان حاتتط ايده على راسه ونازل عييط بيقول للي جابنه

>> سمعت اخر نكته << ويقوموا يفضلوا يضحكوا


****** ****** *******

والى اللقاء في اعمال كوميديه جديده



>> بقولكوا ايه انتوا لازم تعملوا اتشيك اب لان صوتكوا مش عاجبني ماشي ، سي يو هه ، تاكيير ماشي <<